ბაღის მოვლა შრომატევადი, მაგრამ სასიამოვნო პროცესია. ეზოს იდეალურ მდგომარეობაში შესანარჩუნებლად კი შესაფერისი ხელსაწყოები და აღჭურვილობაა საჭირო, რომლებიც სხვადასხვა სამუშაოს შესრულებას გაამარტივებს.
სწორი იარაღების ქონა არა მხოლოდ დროსა და ენერგიას დაზოგავს, არამედ უკეთეს შედეგებსაც უზრუნველყოფს.
“ინგკოს” ამ სტატიაში კი ტოპ 10 ხელსაწყოს შესახებ ვისაუბრებთ, რომლებიც ბაღის სიჯანსაღისა და სილამაზისთვისაა აუცილებელი. ბაღის ხელსაწყოები დაგეხმარებათ მარტივად გაუმკლავდეთ ყველა გამოწვევას - მცენარეების დარგვიდან დაწყებული ხეებისა და ბუჩქების გაშენებით დამთავრებული.
საუკეთესო ბაღის ხელსაწყოები - ტიპები და ფუნქციური მახასიათებლები
ბენზო ცელი
ბენზო ცელი ერთ-ერთი ყველაზე მძლავრი ხელსაწყოა ბაღში სამუშაოდ. მისი საშუალებით შეგიძლიათ მოჭრათ და გაასუფთაოთ სხვადასხვა სისქის ბუჩქები, პატარა ხეები და სხვა მცენარეები.
ბენზო ცელი, ძირითადად, ბენზინის ძრავის დახმარებით მუშაობს, რაც მას განსაკუთრებულ სიმძლავრესა და მობილურობას ანიჭებს.
გაითვალისწინეთ, რომ მისი გამოყენებისას აუცილებელია უსაფრთხოების წესების დაცვა, რადგან ის საკმაოდ მძლავრი და პოტენციურად სახიფათო ხელსაწყოა.
ნიჩაბი
ნიჩაბი ისეთი სამუშაოების შესასრულებლად გამოიყენება, როგორებიცაა ნიადაგის გაფხვიერება, არასასურველი მცენარეების ამოღება, ახალი ნერგებისთვის მიწის ამოთხრა, მიწის გადაადგილება დ ა.შ.
ნიჩბები, ჩვეულებრივ, ლითონისგან ან პლასტმასისგანააა დამზადებული და გვხვდება სხვადასხვა ზომისა და ფორმის. მართკუთხა ფორმის ნიჩბები უფრო შესაფერისია ნიადაგის გადასათხრელად და გასაფხვიერებლად, ხოლო წაწვეტებული ნიჩბები ეფექტურია ვიწრო ადგილებში სამუშაოდ.
ნიჩბის შერჩევისას ყურადღება მიაქციეთ მის სიმყარეს, ტარის ფორმასა და წონას, რათა მუშაობის პროცესში ნაკლები დისკომფორტი და დაღლილობა იგრძნოთ.
შეგახსენებთ, რომ ბაღის ხელსაწყოები “ნოვას” ჰიპერმარკეტებში შეგიძლიათ შეიძინოთ საუკეთესო ფასად. თუ პროდუქტის ონლაინ შერჩევა გსურთ, ამაში ჩვენი ოფიციალური ვებსაიტი დაგეხმარებათ.
ბალახის სათიბი
ბალახის სათიბი ნებისმიერი ზომის გაზონის მოსავლელად აუცილებელია.
არსებობს როგორც ბენზინზე, ასევე ელექტროენერგიაზე მომუშავე მოდელები, რომლებიც ერთმანეთისგან სიმძლავრის, მოხერხებულობისა და ენერგოეფექტურობის მიხედვით განსხვავდება.
ბენზინის სათიბები, როგორც წესი, უფრო მძლავრია და დიდი ფართობის გაზონებისთვის გასათიბადაა საუკეთესო, ელექტრო სათიბები კი უფრო პატარა ეზოებსა და ხმაურის მიმართ მგრძნობიარე გარემოში გამოსაყენებლადაა მოსახერხებელი.
ფოცხი
ბაღის ხელსაწყოები, ეზოს მოვლასთან ერთად, მის სისუფთავესაც უზრუნველყოფს. ამის კარგი მაგალითია ფოცხი.
ფოცხის მთავარი დანიშნულებაა ფოთლებისა და სხვა ნარჩენებისგან გაასუფთაოს ეზო, თუმცა მას ნიადაგში სხვადასხვა მინერალური სასუქების შერევის პროცესშიც იყენებენ.
ხელის ნიჩაბი
ხელის ნიჩაბი ბაღის ერთ-ერთი ყველაზე მრავალფუნქციური ხელსაწყოა.
მისი საშუალებით ნიადაგის გაფხვიერება, სარეველების ამოთხრა, ორმოების გაკეთება ახალი მცენარეების დასარგავად და ნიადაგის გადაადგილებაა შესაძლებელი.
ხელის ნიჩაბი შესაძლოა სხვადასხვა ზომისა და ფორმის იყოს შესასრულებელი სამუშაოს სპეციფიკიდან გამომდინარე.
ელექტრო სეკატორი
ელექტრო სეკატორი მოსახერხებელი ხელსაწყოა, რომელიც მძლავრი მუშაობით გამოირჩევა.
ელექტრო სეკატორი საშუალებას მოგცემთ მცენარეები უფრო სწრაფად და ეფექტურად გაკრიჭოთ.
ხელთათმანები
ხელთათმანები ეკლებისგან, მწერებისგან, ნიადაგის ჭუჭყისა და ბაქტერიებისგან დაგიცავთ.
შეარჩიეთ ისეთი ხელთათმანები, რომლებიც სქელი და გამძლე მასალისგანაა დამზადებული, ამავდროულად საკმარისად მოქნილია ხელების თავისუფალი მოძრაობისთვის. ზოგიერთი ხელთათმანი შესაძლოა წყალგაუმტარი ან სპეციალური ზედაპირის მქონე იყოს.
ხერხი
ხერხი აუცილებელია მსხვილი ტოტების, ხის კუნძების ან ძველი ხეების მოსაჭრელად. არსებობს სხვადასხვა ტიპის ხერხები, თუმცა მათგან განსაკუთრებით პოპულარულია ჯაჭვური ხერხი.
ხელის ხერხების გარდა, შეგიძლიათ გამოიყენოთ ბენზო ან ელექტროხერხები, რომლებიც უფრო სწრაფად და ნაკლები ძალისხმევით ჭრის ხეებს. თუმცა, მათი გამოყენებისას აუცილებელია სიფრთხილე და უსაფრთხოების წესების მკაცრი დაცვა.
წყლის შლანგი
შლანგი ბაღის მორწყვისთვის აუცილებელი პროდუქტია.
პროდუქტის შერჩევისას გაითვალისწინეთ ისიც, რომ, სასურველია, რომ მას წყლის ნაკადის რეგულირების ფუნქცია ჰქონდეს.
ასევე, შეარჩიეთ შლანგი, რომელიც საკმარისად გრძელია მთელი ბაღის მოსარწყავად. ზოგიერთი შლანგი მსუბუქი და მოქნილი მასალისგანაა დამზადებული, რაც მის გამოყენებას უფრო კომფორტულს ხდის.
ნაჯახი
ნაჯახი მძლავრი იარაღია მსხვილი ტოტების, ხის კუნძებისა და მორების დასაჭრელად. ის განსაკუთრებით ეფექტურია ხეების ძირების ამოსათხრელად ან დიდი ზომის ხეების დასაჭრელად. არსებობს სხვადასხვა ფორმის და წონის ნაჯახი, დასამუშავებელი ხის სიმსხო-სიმკვრივისა და სამუშაოს დანიშნულებიდან გამომდინარე. ნაჯახით სარგებლობისას დაიცავით უსაფრთხოების წესები და ატარეთ დამცავი აღჭურვილობა.
სწორად შერჩეული ბაღის ხელსაწყოები დაგეხმარებათ ჯანსაღი და ლამაზი ეზოს შექმნაში დაგეხმარებათ.
ბაღის მოვლა “ინგკოს” ხელსაწყოების დახმარებით
“ინგკო” ჩინური ბრენდია, რომელიც საერთაშორისო მასშტაბით წლებია წარმატებულად მოღვაწეობს.
თუ გსურთ ბაღის ხელსაწყოები იაფად შეიძინოთ, ეწვიეთ ჰიპერმარკეტ “ნოვას” და მაღალკვალიფიციური კონსულტანტების დახმარებით შეარჩიეთ თქვენს საჭიროებებზე მაქსიმალურად მორგებული პროდუქტი.
“ინგკოში” ხელმისაწვდომია მიწოდების სერვისიც.
